Fotogalereya: Ilg‘ash qiyin bo‘lgan kinoxatolar

Tasvirchilar, rejissorlar ham darhol aniqlash qiyin bo‘lgan xatolarga yo‘l qo‘yadi. Shuning uchun kinematograflar o‘z ishlarini qayta ko‘rib chiqib, xatolar bor yoki yo‘qligini tekshirishi kerak. AdMe nashri mashhur filmlarda yo‘l qo‘yilgan xatolar jamlanmasini taqdim etdi.

“Xobbit” va “Uzuklar hukmdori”

“Xobbit”da Legolasning ko‘zlari havorang, biroq “Uzuklar hukmdori” trilogiyasida ba’zan uning ko‘zlari qora rangda.

“Garri Potter”

“Garri Potter va sirli xona” epizodidagi kadrda tasvirchi yaqqol ko‘rinib turibdi.

“O‘rgimchak odam”

Meri Jeyn bu epizodda polga sharbatni to‘kib yuboradi, biroq keyingi kadrda sharbat yo‘q.

“Yulduzli yo‘l”

Kapitan Robauning formasidagi Yulduzli flot belgisi u o‘tirganidan so‘ng qayergadir yo‘qolib qoladi.

Twilight

Epizodda avtomobil oynasidagi aksda mikrofon ko‘rinib turibdi.

Pulp Fiction

Devordagi o‘q izlari o‘q otilishidan avval paydo bo‘lgan.

“Karib dengizi qaroqchilari”

Kadrga tasvirga olish guruhi a’zosi tushib qolgan.

“Gladiator”

Ag‘darilgan arava orqasiga mahkamlangan gaz balonni payqash qiyin emas.

“Go‘zal”

Juliya Roberts yaratgan qahramon yeyayotgan kruassan keyingi kadrda quymoqqa aylanib qolgan.