Toshkentdagi Inha universiteti uchinchi Google I/O 2017 Extended IUT anjumanini o‘tkazadi. Bu haqda UzDaily xabar bermoqda.
O‘zbekistondagi IT-hamjamiyat vakillarini Google kompaniyasining eng dolzarb innovatsiyali yechimlari konsepsiyasi bilan tanishtiradigan anjuman 20-may kuni bo‘lib o‘tadi.
Unda O‘zbekistonning turli universitetlaridan 300 nafarga yaqin talaba ishtirok etishi kutilmoqda.
Tadbir davomida anjuman qatnashchilari dasturlash bo‘yicha taqdimotlar, ma’ruzalar va sessiyalarda, shuningdek, kibersport turnirida ishtirok etadi.