O‘zbekistonning ayrim hududlarida 6-may kuni soat 12:15 da zilzila qayd etildi. Bu haqda, “Toshkent” seysmostansiyasi ma’lumotlariga asoslanib, Favqulodda vaziyatlar vazirligi xabar bermoqda.
Zilzilaning epitsentri Toshkent shahrining janubi-sharqiy yo‘nalishida 318 kilometr uzoqlikda, Qirg‘iziston hududiga to‘g‘ri keladi. Epitsentrda qayd etilgan zilzila magnitudasi 5,0 ni tashkil etdi.
O‘zbekiston hududida seysmik faollik Toshkentda 2 ball, Farg‘onada 3 ball, Andijonda 3 ball, Namanganda 3 ballni tashkil etgan.
“O‘zbekistonning boshqa hududlarida seysmik faollik kuzatilmadi”, — deyiladi FVV axborotida.
Qayd etish joiz, bu Toshkent shahrida so‘nggi uch kun davomida sezilgan beshinchi zilzila bo‘ldi.
Mavzuga doir: Toshkentda davomli yerosti silkinishlari sezildi
Izoh (0)