Yaponiyada ikki qavatli kupe va jonli musiqaga ega poyezd ilk reysni amalga oshirdi

Yaponiyada dizayner Ken Kiyoyuki Okuyamaning loyihasi bo‘lmish o‘ziga xos poyezd ilk reysini amalga oshirdi. Dizayner Ferrari Enzo, Maserati Quattroporte va boshqa avtomobillar ustida ishlagan, deb eslatadi TJournal.

Yaponiyaning East Japan Railway temir yo‘l kompaniyasi Shiki-Shima lyuks poyezdini ishga tushirdi. U o‘nta vagondan iborat bo‘lib, shulardan oltitasida ikki qavatli, hojatxona va yuvinish xonalariga ega lyuks-kupelar joylashgan. Yo‘lovchilar uchun ajoyib taomlar va jonli musiqaga ega restoran, manzarali derazalarga ega ikkita dam olish zonasi va bar ko‘zda tutilgan.

Tokio — Xokkaydo oroli yo‘nalishidagi birinchi reys 1-may kuni amalga oshirildi. Sayohat davomida poyezd bir necha marta to‘xtaydi.

Poyezd uchun chipatalar narxi — 4,4–10 ming dollar. Bu narx ichiga yo‘lkira va ovqat kiritilgan. Sayohat davomiyligi reysga qarab 2–4 kunni tashkil etadi. Chiptalar qimmatligiga qaramay, chiptalar bir yil oldiniga buyurtma qilib bo‘lindi.