Amerikaning Twitter mikrobloglar servisiga egalik qiluvchi shu nomli korporatsiyasi 12 ta yangi kanalni translyatsiya qilish bo‘yicha xizmatlarni taqdim etmoqchi, deb yozadi “TASS”.
Twitter’ning yangi sheriklari qatoriga Bloomberg News, texnik yangiliklar haqidagi maqolalarga ixtisoslashgan The Verge tarmoq resursi, Buzzfeed internet-portali kirdi. Mikrobloglar tarmog‘i orqali Bloomberg yangiliklarining kecha-yu kunduz translyatsiyasi olib borilishi, The Verge va BuzzFeed’ning bir qator shoulari namoyish etilishi kutilmoqda. Takliflarning bir qismidan yaqin kunlardayoq foydalanish mumkin bo‘ladi.
“O‘tgan chorakda biz to‘g‘ridan-to‘g‘ri efir orqali sport, kibersport, yangiliklar va ko‘ngilochar ko‘rsatuvlar sohalaridagi yetakchi brendlarning 800 soatdan ortiq premium-kontentini translyatsiya qildik”, — dedi Twitter operatsiya direktori Entoni Noto. Uning fikriga ko‘ra, Twitter’ning ushbu servisi favquloddi muvaffaqiyatli bo‘lib chiqqan.
Izoh (0)