Xalqaro press-klub yig‘ilishida O‘zbekiston Ichki ishlar vaziri Abdusalom Azizov tomonidan ma’lum qilinishicha, dunyoning barcha mamlakatlariga chiqishga ruxsat beruvchi stiker (OVIR) olish tizimiga bir qator o‘zgartirishlar kiritilmoqda.
Shu jumladan, bu xizmatda faoliyat ko‘rsatuvchi xodimlar soni keskin ko‘paytiriladi. Mazkur xizmatga kiritilgan serjantlik o‘rinlari ofitserlik o‘rinlari bilan almashtiriladi.
Mazkur xizmatga zamonaviy texnologiyalarni joriy etish orqali xorijga chiqish vizasini olish tizimi takomillashtiriladi. O‘zbekiston Respublikasining butun hududida xorijga chiqish vizasini olish va biometrik pasport olish uchun elektron navbat tizimi joriy etiladi. Tizim joriy yilning oxirigacha ishga tushirilishi kutilmoqda.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)