AQSh Federal qidiruv byurosining (FQB) IShID jangarisiga nisbatan tekshiruvda ishtirok etish topshirilgan xodimasi Suriyaga jo‘nab ketgan va jangariga turmushga chiqqan. Bu haqda CNN manbalariga tayanib, “RIA Novosti” xabar bermoqda.
Telekanalga ko‘ra, FQB tarjimoni Daniela Grin qayerga jo‘nashi haqida yolg‘on gapiradi va eri Denis Kaspertni tekshiruv haqida ogohlantiradi. Grin Kaspertga 2014-yilda turmushga chiqqandi, biroq OAV bundan endi xabar topdi.
Bir necha haftadan so‘ng Grin xato qilganini tushunib yetadi va AQSh ga qaytadi. Bu yerda u hibsga olindi. Grin rasmiylar bilan hamkorlik qilishga rozi bo‘ldi. U ikki yillik qamoq jazosiga hukm qilinadi va o‘tgan yil yozida ozodlikka chiqadi.
39 yoshli Kaspert 2015-yil oktabrida AQSh aviatsiyasining Suriyaga hujumi chog‘ida yo‘q qilindi. Davlat departamenti o‘ta xavfli xalqaro terrorchilar ro‘yxatiga kirgan germaniyalik sobiq reper IShIDga 2012-yilda qo‘shilgan va guruhning targ‘ibotchisi hamda yollovchisi bo‘lib xizmat qilgandi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)