Ijtimoiy tarmoqlarda AQSh prezidenti Donald Tramp o‘z rafiqasi Melaniyaning tug‘ilgan kuniga atab joylagan postiga e’tibor qaratishdi. Twitter foydalanuvchilarini 50 ta yulduz o‘rniga atigi 39 ta yulduzdan iborat Amerika bayrog‘i jalb qildi.
Foydalanuvchilar Oq uy rahbari ustidan kulib, AQSh 1889-yilda 39 ta shtatdan iborat bo‘lganini ta’kidladi. “Hech bo‘lmaganda, biz endi tushunishimiz mumkin: u Amerika 1889-yilda buyuk bo‘lgan deb o‘ylarkan”, — dedi ulardan biri.
Ba’zilar ochiqdan-ochiq norozilik bildirib, Trampni prezidentlikka loyiq emaslikda ayblashni boshladi. “Oq uyda mayda-chuydalarga e’tibor bermasliklarini bilaman, ammo balki bayroqdagi yulduzlarni sanay olmaydigan kishilar sog‘liqni saqlash va soliqlar bilan shug‘ullanmagani ma’quldir?” — deya qayd etdi foydalanuvchilardan biri.
Yana boshqa foydalanuvchilar AQSh prezidenti va rafiqasi o‘rtasidagi munosabatlar ustidan keldi. “Oh, qanday yoqimli. Yordamchingiz sizdan yuzlab kilometr uzoqlikda bo‘lgan ‘rafiqangiz’ uchun otkritkani fotoshopda yasab beribdi”, — deya Trampni masxara qildi ulardan biri.
Izoh (0)