O‘zbekiston Respublikasi Turizmni rivojlantirish davlat qo‘mitasi raisining birinchi o‘rinbosari Ravshan Usmonov 26-aprelda Xitoyning turizm ishlari bo‘yicha davlat boshqarmasi raisi o‘rinbosari Du Szin bilan Pekin shahrida uchrashdi. Bu haqda Turizmni rivojlantirish davlat qo‘mitasi xabar berdi
Du Szin O‘zbekistonda turizm sohasida amalga oshirilayotgan ishlarni yuqori baholadi va mazkur tashrif xitoylik soha rahbarlari, turoperatorlar uchun muhim ahamiyat kasb etishini ta’kidladi.
Shu bilan birga, Du Szin Xitoy turoperatorlari uchun O‘zbekistonda infotur tashkil qilish, O‘zbekiston vizasini olish jarayonlarini soddalashtirish, xitoylik sayyohlarning O‘zbekiston hududida bank kartalaridan foydalanish uchun sharoitlar yaratish, xitoy tilini biluvchi gidlarni ko‘paytirish va xitoy tilida telekanal ochish, Markaziy Osiyo mamlakatlari turizm ittifoqini tuzish, Turizmni rivojlantirish qo‘mitasining Xitoydagi vakolatxonasini ochish kabi bir qator tadbirlarni o‘tkazish imkoniyatlarini ko‘rib chiqishni taklif qildi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)