Google kompaniyasining Kubada joylashtirilgan serverlari 26-aprel, chorshanba kuni internet tarmog‘iga ulandi va faoliyatini boshladi. Bu haqda “TASS” xabar bermoqda.
Mazkur serverlarda kompaniyaning ommalashgan kontenti saqlanadi va kubaliklar YouTube videoxostingi va Gmail elektron pochtasi kabi xizmatlardan yuqori tezlikda foydalanish imkoniga ega bo‘ladi.
El Nuevo Herald nashriga ko‘ra, Google orolda o‘z manbalarini saqlashni boshlagan ilk xorijiy internet-kompaniya bo‘ldi.
Bu haqdagi kelishuv o‘tgan yil dekabrida Kubaning ETECSA davlat telekommunikatsiya kompaniyasi prezidenti Mayra Arevich va Alphabet korporatsiyasi rahbari Erik Shmidt tomonidan imzolangandi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)