Britaniyada auksionga qo‘yilgan qishloq sotildi

Buyuk Britaniyaning Nort-Yorkshir grafligida joylashgan Uest Xeslerton qishlog‘i sotildi. U 2016-yilda 20 million funt (26 million dollarga yaqin) boshlang‘ich qiymat bilan sotuvga qo‘yilgan edi. Bu haqda “Korrespondent.net” xabar bermoqda.

150 yil davomida qishloqqa bitta oila egalik qilgan. 2010-yilda qishloqning oxirgi egasi 84 yoshli Iv Danuey vafot etgandan so‘ng aholi punkti sotuvga qo‘yildi. Uning merosxo‘rlari mulkdan qutulishga qaror qildi.

Albanwise investitsiya kompaniyasi qishloqning yangi egasiga aylandi. Uest Xeslerton qishlog‘i sotilgan yakuniy qiymat ma’lum qilinmadi.

Qishloq har yili 388 ming funtga yaqin daromad keltiradi. “Daryo”ning Telegram’dagi rasmiy kanali — @toshqindaryo’ga a’zo bo‘ling!