Parij arxitektura maktabi arxitektorlari Aksel de Stampa, Silven Mako va Giyom Devo ochiq kameralardan iborat ulkan kema ko‘rinishidagi qamoqxona loyihasini yaratdi, deb xabar beradi TJournal.
Muxbirlar ushbu loyihani “Taxtlar o‘yini” serialida Tirion Lannister qamab qo‘yilgan “fazoviy kameralar” bilan taqqosladi.
Rejalarga ko‘ra, kema bortida bir vaqtda jami 3300 mahbusni qamash mumkin. Shunda har bir mahbusga hududi 9 kvadrat metrga teng kamera beriladi. Ushbu kameralar birgalikda ulkan “yelkan”ni hosil qiladi. “Yelkan”da kameralardan tashqari ustaxona, ma’muriy markaz va oshxona ham bor.
Kema burnida sport maydoni, markazida qishloq xo‘jaligi maydoni, yuklar uchun mo‘ljallangan ostki qismda suvni sho‘rsizlantiradigan qurilma, kemaning ort qismida esa personal uchun korpus joylashgan.
Loyiha mualliflari kemani Panama yaqinidagi xalqaro suvlarda joylashtirishni taklif qilmoqda.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)