Cut the Rope va King of Thieves o‘yinlarini yaratgan Rossiyaning ZeptoLab kompaniyasi mobil telefonlarga ko‘plab foydalanuvchilar uchun yangi C.A.T.S. o‘yinini ishlab chiqardi. O‘yin mushuklar jangi haqida, deb xabar berdi Meduza.
C.A.T.S. o‘yinchisi o‘z qo‘li ostidagini to‘g‘ridan-to‘g‘ri boshqara olmaydi. Uning vazifasi mushukka boshqa foydalanuvchilar mushuklari bilan duelda jang qilishi uchun harbiy mashina qurishdan iborat.
O‘yinda bir nechta mashina korpuslaridan birini tanlash kerak (ular tuzilishi, mustahkamligi, energiya va jonlar soni, shuningdek, qurollar uchun slotlar soni bilan farqlanadi), shundan so‘ng unga qurol, g‘ildirak va boshqa qo‘shimcha vositalar o‘rnatiladi.
O‘yinchi mashinani yig‘ib bo‘lgach, mushukni jangga yuboradi — “tezkor jang” tanlash imkoniyati bor (uchta g‘alabaga bir quti “sog‘ayish” beriladi), chempionatining janglar seriyalarida ham huddi shunday. Agar sizning mushugingiz chempionatda o‘zini yaxshi ko‘rsatsa, detallarni yaxshilash imkoniyatiga ega bo‘ladi va boshqa mushuklarga qarshi yaxshiroq jang qila oladi.
Kimdir yutqazadigan bo‘lsa, o‘yin mushuk jarohat olmaganini ko‘rsatadi — u doim katapulta qilishga ulguradi.
C.A.T.S. o‘yinidan iOS va Android foydalanuvchilari foydalanishi mumkin. O‘yin bepul, biroq boshqa resurslarni (yaxshilanish uchun kerak bo‘ladigan) pulga sotib olish mumkin.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)