AQSh hukumati Oq uy muhofazasini qaytadan kuchaytiradi. USA Today gazetasining xabar berishicha, prezident qarorgohining janubiy qismida xavfsizlik hududini kengaytirishga qaror qilingan. Oq uyning janubiy qismidagi sayyohlar tashrif buyuradigan va “Rojdestvo” bayramida archa o‘rnatiladigan maydongacha cho‘zilgan sayr qilish uchun mo‘ljallangan hudud muhofaza ostiga olinadi. Bu haqda “TASS” xabar berdi.
Qarorning qabul qilinishini prezidentni qo‘riqlash xizmati —AQSh maxfiy xizmati — Oq uy hududiga taklif qilinmagan tashrif buyuruvchilarning kirishini to‘xtata olmayotgani bilan izohlandi. O‘tgan oyda bir necha kun ichida ikkita shunday hodisa yuz bergan. Ularning birida hududga kirgan tartibbuzar 16 daqiqadan so‘ng aniqlangan va qo‘lga olingan. Qo‘lga olingan shaxs kaliforniyalik ruhiy kasallikka moyil o‘smir bo‘lib chiqqan. U o‘zini prezidentning do‘sti deb tanishtirgan va uning yonidan Donald Trampga yozilgan xat topilgan. Hodisalar yuz bergan vaqtda prezident o‘z qarorgohida bo‘lgan.
Hodisadan so‘ng ikki nafar patrul qo‘riqchisi ishdan bo‘shatilgan. Maxfiy xizmat vakilining aytishicha, muhofaza kuchaytirilganidan keyin ham, faqat uzoqroq masofadan, sayyohlar Oq uyning janubiy fasadini tomosha qilishi mumkin bo‘ladi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)