O‘zbekistonda 2016-yilda 1,7 million tonna uzum hosili olingan bo‘lsa, 2017-yilda 1,9 million tonna uzum yetishtirish mo‘ljallanmoqda. Bu haqda O‘zA xabar bermoqda.
“O‘zvinosanoatxolding” xolding kompaniyasining boshqarma boshlig‘i o‘rinbosari Adiba Ahmadjonovaning ma’lum qilishicha, 2014 yilda 2 ming gektar tokzor tashkil qilingan bo‘lsa, bugungi kunda ushbu maydonlar 2 baravar ortdi. Joriy yilda yana 1 ming 400 gektarda tokzor barpo etiladi.
Ma’lumotlarga ko‘ra, O‘zbekistonda yetishtirilayotgan uzum hajmi kishi boshiga 32 kilogrammdan to‘g‘ri keladi.
O‘zbekiston uzumi va undan qayta ishlangan mahsulotlar 24 davlatga eksport qilinmoqda, 2016-yilda 72 ming tonna mayiz tashqi bozorga chiqarildi.
Qo‘shrabot, Xatirchi tumanlarida mayizbop uzum mo‘l yetishtirilmoqda, 2017-yilda mazkur tumanlarda xo‘raki uzumni quritish va qadoqlab, eksport qilishga ixtisoslashgan korxonalar barpo etiladi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)