Podmoskovyeda shu yilning 3-aprel kuni Sankt-Peterburg metrosida sodir etilgan terakt tashkilotchilaridan biri Abror Azimov qo‘lga olindi, deb yozadi “Gazeta.ru” Rossiya Federal xavfsizlik xizmatiga tayanib.
“Rossiya Federatsiyasi FXX tomonidan Rossiya Tergov qo‘mitasi Sankt-Peterburg shahri metropolitenidagi terakt holati bo‘yicha qo‘zg‘agan jinoyat ishi doirasida Moskva viloyatining Odinsovskiy tumanida tekshirilayotgan jinoyat tashkilotchilaridan biri, Markaziy Osiyo mintaqasidan bo‘lgan Azimov Abror Axralovich qo‘lga olindi”, — deyiladi xabarda.
FXX ma’lumotlariga ko‘ra, 1990-yilda tug‘ilgan Azimov xudkush terrorchi Akbarjon Jalilovni tayyorlash bilan shug‘ullangan. U Tergov qo‘mitasiga topshirilgan.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)