Venesuela hukumati 19-aprel, chorshanba kuni kuni o‘tkazilishi mo‘ljallangan ommaviy namoyishlar xavfsizligini ta’minlashi zarur. Argentina, Braziliya, Gvatemala, Gonduras, Kolumbiya, Kosta-Rika, Meksika, Peru, Paragvay, Urugvay va Chili hukumatlarining qo‘shma bayonotida shu haqda so‘z bordi, deya xabar beradi “TASS”.
“19-aprel kuni ham rasmiylar tarafdorlari, ham muxolifat tomonidan namoyishlar o‘tkazilishi e’lon qilinganini hisobga olib, Venesuela hukumatini konstitutsiyada ko‘zda tutilgan tinch namoyishlar huquqini kafolatlash va namoyishchilarga nisbatan zo‘ravonlik ishlatmaslikka chaqiramiz”, — deyiladi hujjatda.
Lotin Amerikasi davlatlari hukumatlari norozilik aksiyalarining 6 nafar qatnashchisi halok bo‘lganini qoraladi. Mamlakat rasmiylarini “Venesuela boshidan kechirayotgan va mintaqada xavotir uyg‘otayotgan og‘ir tanglikni hal etish” uchun saylovlar o‘tkazish muddatini belgilashga chaqirdi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)