Fransiyaning Endr va Luara departamentida yashovchi fermer Jak Forten 5 gektar maydondagi bug‘doyzorda HELP (“yordam”) so‘zini yetishtirdi. Bu haqda TJournal xabar bermoqda.
Fermerga ko‘ra, bunga uni qishloq xo‘jaligidagi og‘ir vaziyat majbur qilgan. O‘tgan oyda mintaqa fermerlarining daromadlari rekord darajadagi past ko‘rsatkich — 350 yevroni tashkil etdi. Fransiyada esa oylik daromadi 800 yevrodan kam bo‘lgan kishilar qashshoq hisoblanadi.
Forten oxirgi 4 yil mobaynida fermalar hosil bo‘lmayotganligi sababli zarar ko‘rib kelayotgani, HELP so‘zini “Barcha fermerlar nomidan SOS” deb tushunish lozimligini bildirdi.
HELP Orli aeroportiga qo‘nayotgan havo kemalari yo‘lovchilari ko‘ziga tashlanadi. Forten uni prezidentlik saylovlariga tayyorgarlik ko‘rayotgan siyosatchilar ham ko‘rishiga umid qilmoqda. “Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)