AQSh o‘zining o‘nlab harbiy xizmatchilarini Somali hukumatiga terrorchilarga qarshi kurashishda yordam ko‘rsatishi uchun yubordi, deb xabar berdi “RIA Novosti”.
Pentagon vakillarining aniqlik kiritishicha, amerikalik harbiylar Somali hukumatining iltimosiga ko‘ra mamlakat poytaxti Mogadishoga 2-aprel kuni yetib kelgan.
Askarlarning xizmat vazifasi sentabr oyining oxiriga qadar davom etishi taxmin qilinmoqda. Bu vaqt davomida ular mahalliy qurolli kuchlar hamda Somalidagi Afrika Ittifoqi tinchlikparvar kuchlariga tayyorgalik borasida yordam ko‘rsatadi.
AQSh qurolli kuchlarining Afrika qo‘mondonligi rasmiy vakili Pet Bransning ma’lum qilishicha, amerikalik harbiylar “o‘z ittifoqdoshlari va hamkorlariga xavfsizlikni ta’minlash doirasida bir qator tadbirlar o‘tkazadi”.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)