“O‘zbekiston havo yo‘llari” milliy aviakompaniyasi Kanadaning CAE kompaniyasidan Full-flight-simulyator (FFS) Boeing-767 yangi trenajyorini qabul qilib oldi. Bu haqda kompaniya “Daryo”ga ma’lum qildi.
Hozirgi paytda milliy aviakompaniya o‘quv-mashg‘ulotlar markazidagi Trenajyor kompleksida CAE mutaxassislari bilan birgalikda qurilmani o‘rnatish va montaj ishlari amalga oshirilmoqda.
20-aprel kuni dasturiy ta’minot va trenajyor qurilmasining boshqaruvini sozlash boshlanadi, shundan so‘ng uni sinovdan o‘tkazish va sertifikatlashtirish amalga oshiriladi. Trenajyorni foydalanishga topshirish joriy yilning 9-iyuniga rejalashtirilgan.
May oyida esa milliy aviakompaniya o‘quv-mashg‘ulotlar markazida aviakompaniyaning o‘n nafar muhandis mutaxassisi kanadalik mutaxassislar tomonidan o‘qitiladi va ularga aviatrenajyorga mustaqil xizmat ko‘rsatishga ruxsat beriladi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)