Lucid Motors kompaniyasi 1000 ot kuchiga ega Air elektrokarining sinovi aks etgan videoni taqdim etdi. AQShning Ogayo shtatidagi 12 kilometrli oval shaklidagi sinov poligonida avtomobil 350 km/soat tezlikka erishdi. Bu haqda “Motor” xabar berdi.
To‘rt eshikli elektrokar 2016-yilda taqdim etilgan. Kuchlanish qurilmasi tarkibiga ikkita elektromotor va sig‘imi 100 yoki 130 kilovatt/soat bo‘lgan akkumulyatorlar kompleksi kiradi. Mashinaning takomillashtirilgan ko‘rinishi 640 kilometr masofani bir martalik to‘la quvvat bilan bosib o‘ta oladi.
Lucid Air 2,5 soniyada 96 km/soat tezlikka erishadi. Model keyingi yildan boshlab yig‘ila boshlanadi. 2018-yilda, taxminan, 250 ta mashina yig‘ish rejalashtirilmoqda. Modelning narxi 100 — 160 ming dollar bo‘ladi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)