Sankt-Peterburg metrosida yuz bergan terakt oqibatida jarohatlanganlarning yana biri 12-aprelga o‘tar kechasi Peterburg harbiy tibbiy akademiyasida vafot etdi. Shu tariqa qurbonlar soni 15 kishiga yetdi. Qurbon bo‘lgan shaxsning ismi ma’lum qilinmagan. Bu haqda TJournal xabar berdi.
Avvalroq, shahar vitse-gubernatori Anna Mityaninaning axborotiga tayanib, “TASS” qurbonlar soni 14 kishiga yetganini ma’lum qilgandi.
Vitse-gubernator jabrlanganlardan birining kasalxonada vafot etganligi haqidagi xabarni tasdiqladi. Ma’lum qilinishicha, 14-qurbon Gatchina shahri fuqarosi Sergey Postnov bo‘lgan. U ko‘p qon yo‘qotish natijasida 12-aprel soat 00:35 da (Moskva vaqti bilan) Peterburg harbiy tibbiy akademiyasida vafot etgan.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)