Iordaniya qiroli Trampning yonida balandroq ko‘rinish uchun qutiga chiqib turdi (foto)

Iordaniya qiroli Abdulla II AQSh prezidenti Donald Tramp bilan matbuot anjumani chog‘ida balandroq ko‘rinish uchun quti ustiga chiqib turdi, deb yozadi “Korrespondent.net”.

Qutini minbar to‘sib turdi, ammo ba’zi nuqtalardan olingan videotasvirlar va suratlarda Iordaniya yetakchisining oyoqlari ostida turgan qutini ko‘rish mumkin bo‘ldi.

Nashr qayd etishicha, Iordaniya qirolining bo‘yi 165 santimetr, AQSh prezidentiniki esa — 188 santimetr.