Fransiyaning qazib olish hajmi bo‘yicha dunyoda to‘rtinchi o‘rinda turadigan Total neftgaz kompaniyasi rahbari Patrik Puyanne gazni “eng qimmat yoqilg‘i“ deb atadi. Bu haqda “Interfaks“ xabar bermoqda.
“Xarajatlarni kamaytirishimiz lozim. Chunki bugungi kunda gaz eng qimmat qazib olinadigan yoqilg‘i.Uni transport orqali yetkazish mushkul, logistika xarajatlari ko‘mir va neftga qaraganda ko‘proqqa tushadi”, — deya ta’kidladi Patrik Puyanne Gastech 2017 konferensiyasidagi chiqishi chog‘ida.
Total bosh direktori bu borada jiddiy ish olib borish va yoqilg‘iga xaridorlar topish uchun yangi bozorlarni qidirish lozimligini bildirdi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!