Qozog‘iston elchixonasi Sankt-Peterburg metropolitenida sodir bo‘lgan terakt oqibatida 20 yoshli Qozog‘iston fuqarosi, Sankt-Peterburg davlat iqtisodiyot universitetining uchinchi bosqich talabasi Maksim Arishev halok bo‘lganini ma’lum qildi, deb xabar beradi “Kommersant”.
Qozog‘iston elchixonasining alohida qayd etishicha, Maksim Arishevning terrorchi-xudkush bo‘lishi mumkinligi haqidagi xabarlar haqiqatga mos kelmaydi.
Xabar berishlaricha, Sankt-Peterburgga yetib kelgan Arishevning qarindoshlari bosh konsullik xodimlari bilan birgalikda uning jasadini tanigan. Ayni vaqtda, yigitning onasi uning o‘g‘lini terakt ijrochisi deya e’lon qilgan ommaviy axborot vositalarini sudga berish niyati yo‘qligini bildirgan.
Avvalroq Qozog‘iston Tashqi ishlar vazirligi Sankt-Peterburgdagi portlashga aloqasi borlikda gumon qilingan qozog‘istonlik Maksim Arishevning halok bo‘lganlar va jabrlanganlar orasida yo‘qligini ma’lum qilgan edi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!