Sankt-Peterburg metrosidagi portlash qurbonlari soni 14 kishiga yetdi. Bu haqda Rossiya sog‘liqni saqlash vaziri Veronika Skvorsova ma’lum qildi, deya xabar bermoqda “RIA Novosti”.
“14 kishining o‘limi qayd etildi. 11 kishi voqea joyida halok bo‘lgan, 3 kishi olingan jarohatlar oqibatida olamdan o‘tdi”, — deya ta’kidladi Veronika Skvorsova.
Vazirga ko‘ra, shahar kasalxonalarida 49 nafar jabrlanuvchi qolmoqda. Ularning ro‘yxati Rossiya FVV Sankt-Peterburg bosh boshqarmasi saytida joylashtirildi.
Eslatib o‘tamiz, oldinroq terakt oqibatida 10 kishi halok bo‘lgani, 47 kishi jarohatlangani bildirilgandi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)