2016-yilning to‘rtinchi choragida dunyo xorijiy valyutalar zaxirasi 266 milliard dollarga — 10,793 trillion dollargacha kamaydi. Bu haqda Xalqaro valyuta jamg‘armasining choraklik hisobotida ma’lum qilindi, deya xabar beradi “Korrespondent.net”.
Mazkur hujjat alohida band bilan Xitoy valyutasidagi zaxiralar ko‘rsatib o‘tilgan birinchi hisobot ekanligi bildirilmoqda. Yuan AQSh dollari, yevro, Yaponiya iyenasi, Britaniya funt sterlingi, Avstraliya dollari, Kanada dollari va Shveysariya franki qatorida alohida hisob-kitob qilinadigan sakkizinchi valyuta bo‘ldi.
Hisobotda AQSh dollaridagi zaxiralar 113 milliard dollarga (5,05 trillion dollargacha) ko‘paygani, yevroda esa, aksincha, 19 milliard dollarga — 1,56 trillion dollargacha kamaygani qayd etilgan.
Yuandagi zaxiralar 84,5 milliard dollarni tashkil etdi. “Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)