Temurxo‘ja Abduxoliqov Qatar Yulduzlar ligasidagi beshinchi golini urdi

Qatar Yulduzlar ligasining 24-turida o‘zbekistonlik futbolchilar to‘p suradigan ikki klub maydonga tushdi.

Temurxo‘ja Abduxoliqov va Sanjar Shoahmedov harakat qiladigan “As-Sayliya” safardan 1 ochko bilan qaytdi. Klubni O‘zbekiston milliy terma jamoasi hujumchisi Temurxo‘ja Abduxoliqovning penaltidan urgan goli mag‘lubiyatdan qutqarib qoldi.

Ma’lumot uchun, Abduxoliqov Qatar Yulduzlar ligasining 8 ta o‘yinida 5 ta gol urishga muvaffaq bo‘lgan. Sanjar Shoahmedov ham shuncha o‘yinda ishtirok etib, 1 ta gol urishga erishgan.

Sanjar Tursunov to‘liq harakat qilgan bellashuvda “Al-Haraytiyat” klubi 3 ochkoni qo‘lga kiritdi va turnir jadvalida “As-Sayliya”dan ilgarilab ketdi.

Bugun — 2-aprel kuni Sardor Rashidovning “Al-Jaish” klubi jiddiy bellashuv o‘tkazadi. Klub turnir jadvalida peshqadamlik qilayotgan “Lahviya” maydonida saf tortadi.

Qatar Yulduzlar ligasi 24-tur bellashuvlari 1-aprel, shanba

“Al-Muaydar” — “As-Sayliya” 1:1

“Al-Ahli” — “Al-Haraytiyat” 0:2

2-aprel, yakshanba“Lahviya” — “Al-Jaish”