Rossiya—2018 mundiali uchun kurash olib borayotgan Yevropa mamlakatlari saralashning 5-turini davom ettirdi.
Yevropa chempionatining amaldagi g‘olibi hisoblangan Portugaliya terma jamoasi saralashni Shveysariya maydonidagi mag‘lubiyat (0:2) bilan boshlagandi. Keyingi to‘rtta g‘alabaga qaramay portugaliyaliklar peshqadamga aylana olmadi.
Boisi Shveysariya terma jamoasi yuz foizlik natija qayd etib turibdi. Birinchi davraning so‘nggi o‘yinini Latviyaga qarshi o‘tkazgan Shveysariya 1:0 hisobida muvaffaqiyat qozondi.
Nafaqat guruhda, balki butun bir saralash siklida Krishtianu Ronaldu to‘purar bo‘lib turibdi. “Real” hujumchisi Portugaliyaning 5 ta o‘yinida maydonga tushib, jamoasining 9 ta golini urishga muvaffaq bo‘lgan.
JCh—2018. Yevropa “B” guruhi. 5-tur 25-mart, shanba
Shveysariya — Latviya 1:0
Gol: Yosip Drmich, 66 (1:0).Andorra — Farer orollari 0:0
Chetlatish: Yoxan Edmundson, 74 (F).Portugaliya — Vengriya 3:0
Gollar: Andre Silva, 32 (1:0). Krishtianu Ronaldu, 36 (2:0). Krishtianu Ronaldu, 65 (3:0).
Izoh (0)