Porsche kompaniyasi o‘z xodimlariga 9111 yevro miqdorida mukofot puli to‘lashi haqida ma’lum qildi. Bonus qariyb 21 ming xodimga taqdim etiladi. Shu tariqa kompaniya 2016-yildagi muvaffaqiyatli natijalarni nishonlaydi. Bu haqda “Motor” xabar berdi.
2016-yilda kompaniya savdo bo‘yicha yangi rekord o‘rnatdi. Savdo 2015-yilga nisbatan olti foizga o‘sdi va 237 778 ta avtomobilni tashkil qildi. Porsche’ning daromadi 22,3 milliard yevrogacha oshdi.
2016-yil oxirida ishlab chiqaruvchi xodimlar sonini 13 foizga oshirdi va 27 612 kishiga yetdi. Kompaniya o‘tgan yillar mobaynida ham o‘z xodimlariga mukofot puli to‘lagan. 2016-yilda 15,6 ming xodim mukofot pulini qo‘lga kiritgan, 2015-yilda esa har bir xodimga qo‘shimcha 8,6 ming yevro to‘langan.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)