“Milliy TV” ilovasi App Store’da eng ommabop ilovalar ro‘yxatida birinchi o‘rinni egalladi

Milliy TV telekanalini tomosha qilish uchun mo‘ljallangan ilova AppStore’da eng ko‘p yuklab olinadigan ilovaga aylandi.

AppStore reytingida ilova Telegram (2-o‘rin), IMO video calls and chat (3-o‘rin) va Instagram (6-o‘rin) kabi servislardan oldinga chiqib oldi. Bundan tashqari, mazkur ilova Google Play Market’da yuklab olishlar soni bo‘yicha 5-o‘rinda turibdi.

“Milliy TV” ilovasi uch kun ichida ommalashib ketdi: ilovani AppStore’da 1800 foydalanuvchi hamda Google Play Market’da 5000 foydalanuvchi yuklab oldi. Google Play Market’da ilovani yuklab olishlarning umumiy soni 42 000 dan oshgan.

Yangi ilovadan ayniqsa Rossiya, O‘zbekiston, Janubiy Koreya, BAA, Qozog‘iston va AQSh foydalanuvchilari faol foydalanmoqda.

Reklama huquqi asosida