Janubiy Koreya sobiq prezidenti Pak Kin Xe prokuratura binosini so‘roq boshlanganidan keyin 22 soat o‘tgach, tark etdi, deb yozadi “Korrespondent.net” Reuters’ga tayanib.
Prokuratura Pak Kin Xeni uning o‘tgan yil oxirida hibsga olingan yaqin dugonasi Chxve Sun Sil aralashgan 13 ta korrupsiya haqidagi ishga aloqadorlikda gumon qilmoqda.
Pak Kin Xeni so‘roq qilish 14 soat davom etdi va mahalliy vaqt bilan qariyb yarim kechasi yakunlandi. U yozib olingan ko‘rsatmalarning to‘g‘riligi tekshirilganidan keyingina prokuratura binosini tark etishi kerak edi.
Yonhap News ma’lumotlariga ko‘ra, Pak Kin Xe unga qarshi qo‘yilayotgan ayblovlarning barchasini rad etgan hamda “o‘zi hech narsaga aralashmagani va hech narsa haqida bilmagani”ni ta’kidlagan.
Izoh (0)