Litva politsiyasi AQSh tomonidan 100 million dollardan ko‘proq mablag‘ni elektron pochta yordamida o‘g‘irlaganlikda ayblanayotgan fuqaroni hibsga oldi. Bu haqda “RBK” ma’lum qildi.
AQShning ikki kompaniyasi haqiqiy kompaniya bilan bir necha marta yirik shartnomalar imzolagan. Rimauskas Amerika kompaniyalarining xodimlarini chalg‘itib, o‘ziga tegishli Latviya va Kiprdagi hisob raqamlariga pul o‘tkazishga erishgan. Shundan so‘ng u pulni dunyoning boshqa mamlakatlarida ochilgan hisob raqamlariga jo‘natgan. Bundan tashqari, jabrlangan kompaniyaning hujjatlarini qalbakilashtirib, banklarni pul o‘tkazmalarining haqiqiyligiga ishontirgan. Shu tariqa, u 100 million dollardan ortiq mablag‘ni qo‘lga kiritgan.
Xabarlarga ko‘ra, agar sud Rimauskasni aybdor deb topsa, u 20 yildan ortiq qamoq jazosiga hukm qilinadi. AQSh hukumati Litva huquqni muhofaza qilish organlariga tovlamachini qo‘lga olganligi uchun minnatdorchilik bildirdi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)