17-martning e’tiborga molik yangiliklari — “Daryo”ning kechki dayjestida.
1. Olmaota va Toshkent o‘rtasida “Tulpor-Talgo” tezyurar poyezdi qatnaydi. Poyezd Olmaotadan dushanba va shanba, Toshkentdan seshanba va yakshanba kunlari jo‘naydi.
2. O‘zbekiston 2017-yilda import hajmini 1,1 mlrd dollarga qisqartiradi. 2019-yilgacha jami ishlab chiqarish hajmi 3,4 milliard dollarga teng 1146 ta mahalliylashtirish loyihalarini amalga oshirish nazarda tutilgan.
3. Ikki viloyatning yangi prokurorlari: Farhod Zufarov Samarqand viloyatiga, Bahriddin Valiyev esa Buxoro viloyatiga prokuror etib tayinlandi.
4. Yangi senator: Mamarizo Nurmuratov O‘zbekiston Oliy Majlisining Senati a’zosi etib ro‘yxatga olindi.
5. Brakonyerlardan musodara etilgan baliqlar Toshkentdagi mehribonlik uyiga topshirildi. Hisob-kitoblarga ko‘ra, mazkur faoliyat oqibatida davlatga yetkazilgan zarar miqdori 42 million so‘mni tashkil etadi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)