Gonolulu (Gavayi shtati) federal sudi sudyasi Derrek Uots Donald Trampning muhojirlar haqidagi yangi farmoni kuchga kirishiga 4 soat qolganda unga umummilliy taqiq qo‘ydi. Bu haqda “Vedomosti” xabar bermoqda.
Farmon Sudan, Suriya, Eron, Liviya, Somali va Yaman fuqarolarining AQShga kirishi 90 kun mobaynida man etilishini ko‘zda tutgandi.
Farmon kuchga kirishiga sud taqiqi shtat rasmiylari so‘roviga ko‘ra qabul qilindi. Sudya musulmonlarni kamsitish AQSh konstitutsiyasiga zid ekanligini ma’lum qildi.
O‘z navbatida, Donald Tramp “sud vakolatlari mislsiz darajada oshirib yuborilgani”dan norozi bo‘ldi va mazkur taqiq bo‘yicha ishni Oliy sudgacha olib chiqishga va’da berdi.
Eslatib o‘tamiz, oldingroq AQSh adliya vazirligi Trampning yangi farmonini sudlarda himoya qilishini bildirgandi.
Izoh (0)