Malayziya Kuala-Lumpur aeroportida o‘ldirilgan Kim Chon Namning oilasiga sud-tibbiy ekspertizalar yakunlanganidan so‘ng poytaxt o‘likxonasiga yetkazilgan jasadni olib ketish uchun 3 haftagacha muddat beradi. Bu haqda mamlakat sog‘liqni saqlash vaziri Subramaniam Satxasivam ma’lum qildi, deya xabar beradi “TASS”.
Marhumning turmush o‘rtog‘i va bolalari qolganini bilamiz. Jasadni identifikatsiya qilish jarayoni yakunlangani sababli Kim Chon Nam oilasidan tezda javob berilishiga umid qilamiz. Buning uchun ikki-uch hafta kutib turishga tayyormiz.Vazirga ko‘ra, mazkur muddat mobaynida rasmiy so‘rov kelib tushmasa, “bosh vazir ofisi, ichki va tashqi ishlar, shuningdek, sog‘liqni saqlash vazirliklari kelgusida qanday yo‘l tutish borasida birgalikda qaror qabul qiladi”. “Daryo”ning Telegram’dagi rasmiy kanali — @toshqindaryo’ga a’zo bo‘ling!Subramaniam Satxasivam, Malayziya sog‘liqni saqlash vaziri
Izoh (0)