Kanadaning Onuvey shahri meri krandan chiqayotgan pushti rang suv uchun uzr so‘radi

Kanadaning Onuvey shahri rasmiylari vodoprovod jo‘mragidan chiqayotgan suv pushti rang bo‘lgani uchun uzr so‘radi. Bu haqda “Gazeta.ru” xabar bermoqda.

Onuvey meri Deyl Krasnou shahar fuqarolari oldida uzr so‘radi va krandan chiqayotgan suv aholi uchun zararsiz ekani, noodatiy rang esa suvni kimyoviy moddalar bilan tozalash jarayonida kelib chiqqanini aytdi. Suvning pushti rangga kirishiga kaliy permanganat sabab bo‘lgan.

Qayd etilishicha, ushbu modda suvni temir va vodorod sulfiddan tozalash uchun ishlatiladi. Mansabdorlarning aytishicha, kaliy permanganat filtrning odatiy tozalash vaqtida klapanning buzilgani uchun suv rezervuariga tushgan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!