O‘zbekiston Prezidenti Shavkat Mirziyoyev Buxoro viloyatiga tashrifi davomida aholi farovonligini oshirish, yangi ish o‘rinlari yaratishga qaratilgan bir qancha loyihalar bilan tanishmoqda. Bu haqda O‘zA xabar bermoqda.
Xususan, Shavkat Mirziyoyev “O‘zbekengilsanoat” aksiyadorik jamiyati tomonidan sobiq “Buxoroteks” AJ negizida tashkil etiladigan “Indorama Indast LTD” O‘zbekiston—Singapur qo‘shma korxonasi loyihasi bilan tanishdi.
Buxoro viloyatida yetishtirilgan paxta tolasini qayta ishlashga ixtisoslashtirilgan korxona ishga tushgach 400 ga yaqin ish o‘rni yaratiladi.
Korxonaga Shveysariyaning Rieter kompaniyasining zamonaviy va energiyatejamkor texnologiyalarini o‘rnatish ko‘zda tutilgan.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)