Shavkat Mirziyoyev Buxoro viloyatiga tashrifi davomida “O‘zbekengilsanoat” aksiyadorlik jamiyati tomonidan 2017—2018-yillarda Buxoro viloyatida paxta tolasini qayta ishlash dasturi loyihasi bilan tanishdi. Bu haqda O‘zA xabar bermoqda.
Bugun Buxoroda yetishtirilayotgan paxta tolasining 20,6 foizi viloyat hududida sanoat usulida qayta ishlanmoqda.
Ishlab chiqilayotgan yangi loyiha bo‘yicha viloyatning 7 shahar va tumanida 13 yirik sanoat loyihasini foydalanishga topshirish rejalashtirilgan.
Bu viloyatda yetishtirilgan paxta tolasining 65 foizini qayta ishlash imkoniyatini yaratadi. Natijada 5 mingga yaqin ish o‘rni yaratiladi.
Dasturni bajarish uchun O‘zbekiston tijorat banklari mablag‘lari va chet el investitsiyasini jalb qilish rejalashtirilgan. “Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)