Pxenyan Suriya hukumati va xalqini qo‘llab-quvvatlab, u bilan hamjihat ekanligini namoyon qilishda davom etadi. Bu haqda KXDR yetakchisi Kim Chen In Suriya prezidenti Bashar Asadga Suriyadagi 8-mart inqilobining 54 yilligi munosabati bilan yo‘llagan tabrigida aytiladi, deb yozadi “TASS”.
“Pxenyan mamlakat suvereniteti va hududiy daxlsizligini himoya qilish uchun dushman kuchlari bilan adolatli urush olib borayotgan Suriya hukumati va xalqini qo‘llab-quvvatlab, u bilan hamjihat ekanligini namoyon qilishda davom etadi”, — deyiladi “Nodon sinmun” markaziy gazetasida chop etilgan telegramma matnida.
KXDR yetakchisi ta’kidlashicha, 8-mart inqilobi “Suriya xalqining mamlakat xavfsizligini himoya qilish, iqtisodiy va ijtimoiy progressga erishish yo‘lidagi tarixiy voqeaga aylandi”.
Izoh (0)