Islandiya dunyoda birinchi bo‘lib erkaklar va ayollar ish haqini tenglashtiradi

Islandiya ayollar va erkaklarning ish haqi miqdorini tenglashtirgan birinchi mamlakatga aylanadi, deb yozadi “Korrespondent.net”.

“Islandiya ish beruvchilarga ularning xodimlarga jinsi, etnik kelib chiqishi yoki millatidan qat’i nazar, teng miqdorda ish haqi to‘layotganini isbotlash majburiyatini yuklaydigan dunyodagi birinchi mamlakatga aylanadi”, — deyiladi AP xabarida.

Mamlakat shu tariqa, 2022-yilgacha mehnat haqi bo‘yicha jinslar o‘rtasidagi nomuvofiqlikni tag-tomiri bilan yo‘q qilmoqchi.

Mamlakat hukumati shu oydayoq parlamentga 25 dan ortiq xodimga ega barcha ish beruvchilardan teng ish haqi taqdim etilayotganini isbotlovchi sertifikatni talab qiluvchi qonun loyihasini kiritadi.