Germaniyaning Dyusseldorf shahrida ikkinchi jahon urushi davridagi bomba aniqlanishi tufayli 8 ming kishi evakuatsiya qilindi. Bu haqda “RBK” xabar bermoqda.
Rheinische Post nashriga ko‘ra, gap AQSh aviatsiya bombasi haqida ketmoqda. Yarim tonna og‘irlikdagi xavfli qurilma 8-mart, chorshanba kuni kechki payt Teodor ko‘chasida topildi.
Bomba aniqlanishi munosabati bilan bir kilometr radiusdagi uylarda yashovchi 8 ming kishi, shuningdek, hodisa joyi yaqinidagi mehmonxonaning 250 nafar mijozi evakuatsiya qilindi. Evakuatsiya hududidagi kompaniyalar ofislari vaqtincha yopildi.
Bomba 9-mart, payshanba, kunning ikkinchi yarmida Dyusseldorf o‘q-dorilar utilizatsiyasi xizmati tomonidan zararsizlantirilishi bildirilmoqda.
Izoh (0)