Uber kompaniyasi saytida bepul sayohat qilish imkonini beruvchi xato topildi

Anand Prakash ismli shaxs Uber saytida bepul sayohatlar imkonini beruvchi xatoni topdi, deb xabar beradi TJournal.

Prakash Uber’dagi ushbu xatoni qanday topganini o‘zining blogida e’lon qildi. Uning so‘zlariga ko‘ra, mazkur xatodan istalgan shaxs foydalana olishi mumkin bo‘lgan.

Xato kompaniya rasmiy saytining kodida bo‘lgan. Foydalanuvchidan buning uchun bor-yo‘g‘i sayohatni to‘lash usulini o‘zgartirish talab etilgan.

Qayd etilishicha, Prakash ushbu xatoni 2016-yil avgust oyida topib, kompaniyaga xabar bergan. Uber xatoni to‘g‘rilab, Prakashga mazkur axborotni 2017-yil martiga qadar e’lon qilmaslik javobgarligini yuklagan.

Prakash kompaniya sayti va dasturlari faoliyatidagi xato haqida axborot bergani uchun Uber kompaniyasidan 5000 dollar qabul qilib oldi. U mazkur dastur ishtirokchilari ro‘yxatida 14-o‘rinda turadi.

Prakash tez-tez Facebook’dagi xatolar haqida ham xabar berib turishi ta’kidlandi.