Futbol bo‘yicha O‘zbekiston Oliy ligasining 1-turida eng kam tomoshabin “Bunyodkor” stadioniga tashrif buyurdi.
PFL sayti o‘yinlar hisobi aks etgan sahifalarida stadionlarga qancha muxlis tashrif buyurganiga oydinlik kiritgan. Unga ko‘ra, “Bunyodkor”ning “So‘g‘diyona”ga qarshi uchrashuvini ko‘rish uchun 509 ishqiboz kelgani ma’lum bo‘lgan.
Mavzuga oid: “Bunyodkor” stadioni 34.800 tomoshabinga mo‘ljallab qurilgan.
Namanganning “Navbahor” klubi o‘tgan mavsumni “Bunyodkor”dan ancha yomon o‘tkazib, bir amallab Oliy ligada jon saqlab qolgandi. Shunga qarmay klubning “Obod”ga qarshi uchrashuvini ko‘rish uchun 12.311 ishqiboz stadionga kirdi. Bu 1-turning eng yaxshi natijasi bo‘ldi.
Mavzuga oid: 2016-yilgi mavsum “Buxoro” futbol klubi muxlis to‘plash borasida eng yaxshi ko‘rsatkichni qayd etgandi.
“Paxtakor”ning “Qizilqum”ga qarshi o‘yinini 4.153 muxlis stadionda kuzatdi. Bunga stadionga kirishning bepul qilib qo‘yilgani sababmi yoki yo‘q — aniq emas.
Mavzuga oid: “Paxtakor” o‘yinga bir hafta qolganida “Omadli muxlis” lotereyasi haqida jar solgan bo‘lib, qimmatbaho sovg‘alar qatorida Damas avtomobili ham o‘ynalishini aytib o‘tgandi. O‘yin kuni esa Damas keyingi turga qolgani ma’lum bo‘ldi. Stadionga tashrif buyurgan muxlislarning necha foizi uchrashuv kungi xabardan bexabar bo‘lib, “Paxtakor”ga Damas ilinjida kelgani aniq emas. Shuningdek, stadionga talabalar majburan olib kelingan bo‘lishi mumkinligi haqida ham xabarlar bor.
1-turdagi muxlislar statistikasi
“Navbahor” — “Obod” 2:1 (12.311)“Buxoro” — “Olmaliq” 1:0 (12.200)“Qo‘qon-1912” — “Nasaf” 1:2 (8.135)“Sho‘rtan” — “Neftchi” 1:0 (4.557)“Paxtakor” — “Qizilqum” 3:1 (4.153)“Mash’al” — “Lokomotiv” 0:1 (2.024)“Metallurg” — “Dinamo” 0:2 (1.029)“Bunyodkor” — “So‘g‘diyona” 1:0 (509).“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)