Choyshablar to‘g‘risida siz bilmagan foydali maslahatlar

Choyshablar juda ehtiyotkorlikni talab qiladi. Bizning maslahatlarimiz sizga ulardan foydalanishda paydo bo‘ladigan muammolarni hal etishda yordam beradi.

Choyshablar toymasligi uchun yopishqoq tasmalardan foydalaning

Choyshabni to‘shakka qadab qo‘yiladigan to‘g‘nog‘ichlarning ba’zan ochilib ketishi uxlashga xalal berishi yoki materialni buzishi mumkin. Bu borada yopishqoq tasmalardan foydalanish eng yaxshi usul hisoblanadi.

Ko‘rpani mahkamlab qo‘ying

Agar ko‘rpangiz jildning ichida yig‘ilib qolayotgan bo‘lsa uni jild ichiga kattaroq tugmalar bilan mahkamlab qo‘ying.

Satin choyshablar sog‘liq uchun foydali

Paxta gazlamalar birmuncha qulay material hisoblanadi. Uning yana bir turi — satin — sog‘liq uchun foydaliroq. Bunday choyshablarda odam uncha terlamaydi, gazlama yuzasida esa deyarli kir to‘planmaydi.

Choyshablarni yuvishda teskarisini ag‘daring

Bu usul choyshab gullarining yorqinligini himoya qilishga va uzoq vaqtgacha uning yangi holatini saqlab qolishga yordam beradi.

Choyshablarni yostiq jildi ichida saqlang

Yostiq jildi choyshablar uchun cho‘ntak vazifasini bajaradi, bu choyshablarni ixcham va qulay qilib joylashtirishga yordam beradi.

Choyshablarni konditsionerli yuvish vositasi yordamida yuving

Konditsionerli yuvish vositasi choyshablarni yumshatadi va aynan u xushbo‘y hid beradi.