Toshkent shahar Yashnobod tumanida ikki noma’lum shaxs yuzlariga niqob va qo‘llariga qo‘lqop kiygan holda 1955-yilda tug‘ilgan ayolning uyiga ochiq qolgan eshik orqali kirib, uy egasini urib jarohat yetkazdi, deya xabar bermoqda O‘zbekiston IIV matbuot xizmati.
Ma’lum bo‘lishicha, jinoyatchilar jabrlanuvchining qo‘l-oyoqlarini skotch bilan bog‘lab, ichida 23 million so‘m pul, 2 500 dollar, qiymati 6 million so‘m bo‘lgan zargarlik buyumlari va nevaralarining tug‘ilganlik haqidagi ikkita guvohnomalari bo‘lgan temir seyfni hamda Nokia mobil telefonini olib, voqea joyidan yashiringan.
Tezkor-surishtiruv tadbirlari natijasida jinoyatni Toshkent shahar Olmazor tumanida yashovchi 1993-yilda va 1994-yilda tug‘ilgan ikki nafar shaxs sodir etgani aniqlandi va ular qo‘lga olindi.
“Hozirgi paytda ularga nisbatan tergov harakatlari olib borilmoqda”, — deyiladi vazirlik axborotida.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)