Platseboning ta’siri: haqiqatmi yoki uydirma?

Platsebo yoki davolash xususiyati bo‘lmasa-da organizmga ijobiy ta’sir qiluvchi moddalar haqida anchadan beri ma’lum. Platseboning samarasi psixoemotsional ta’sirga asoslangan.

Platsebo yurak urishi tezligini va qon bosimini, shuningdek bosh miyaning kimyoviy faolligini rag‘batlantirish xususiyatiga ega. U og‘riqlardan, depressiyadan, xavotirlik, charchash va hatto Parkinson kasalligining ba’zi belgilaridan qutulishga yordam beradi.

Tajribalar asosida aniqlanishicha, organizmning platseboga reaksiyasi uni qabul qilish usuliga bog‘liq. Shuningdek, platsebo faqat oldindan ma’lum bo‘lgan va kutilayotgan davolash samarasini beradi. Kutilayotgan ta’sir qancha yuqori bo‘lsa — platseboning ta’siri shuncha kuchli bo‘ladi. Platsebo ko‘pincha ekstravertlarga, xavotirlik darajasi yuqori bo‘lgan kishilarga, gumonsirash, o‘ziga ishonchsizlik holatlariga yaxshi ta’sir qiladi.