Kopengagenning ikki “Mishlen” yulduziga ega bo‘lgan Noma restorani sohibi daniyalik bosh oshpaz Rene Redzepi muassasaning vaqtincha yopilishini ma’lum qildi. Redzepining so‘zlariga qaraganda, restoran yil oxirida yangi joyda ochilib, “shahar fermasi” ko‘rinishiga ega bo‘ladi. Bu haqda Meduza xabar bermoqda.
Shu bilan birga bosh oshpaz restoranning yangi egalarini ma’lum qildi. Muassasaning ikki menejeri, shuningdek, Noma’da 14 yil, ya’ni u ochilgandan buyon ishlab kelayotgan idish yuvuvchi Ali Sonko restoranning yangi sohiblariga aylandi.
Ali — Noma’ning yuragi va qalbi. Kishilar Alidek odam biz bilan ishlayotganligining qadriga yetadi deb o‘ylamayman. U har doim kulib turadi.Bosh oshpazning qo‘shimcha qilishicha, uning otasining ismi ham Ali bo‘lgan va u ham Daniyaga kelgan paytlarda idish yuvuvchi bo‘lib ishlagan.Rene Redzepi, Noma restorani bosh oshpazi
Redzepi kelajakda boshqa xodimlar ham restoran egalariga aylanishini ma’lum qildi.
Ali Sonko 62 yoshda. U Gambiyada dunyoga kelgan va 12 nafar farzandning otasidir.
“Daryo”ning Telegram’dagi rasmiy kanali — @toshqindaryo’ga a’zo bo‘ling!