O‘zbekiston Prezidenti Shavkat Mirziyoyev 28-fevral kuni “2017-yilgi Navro‘z umumxalq bayramiga tayyorgarlik ko‘rish va uni o‘tkazish to‘g‘risida”gi qarorni imzoladi. Bu haqda O‘zA xabar bermoqda.
Qarorga muvofiq, 2017-yilgi Navro‘z bayramiga tayyorgarlik ko‘rish va uni o‘tkazish bo‘yicha tashkiliy qo‘mita tarkibi tasdiqlangan.
Tashkiliy qo‘mitaga 10 kun muddatda Navro‘z bayramini Toshkent shahrida, Qoraqalpog‘iston Respublikasi va viloyatlar markazlarida, barcha shahar, tuman va qishloqlarda umumxalq sayillari shaklida yuqori darajada o‘tkazishga qaratilgan tashkiliy-amaliy, madaniy-ma’naviy tadbirlar rejasini ishlab chiqish va amalga oshirish haqida ko‘rsatma berilgan.
Bayram tadbirlari Qoraqalpog‘iston Respublikasi budjeti va viloyatlarda mahalliy budjetlar hamda joylardagi homiylik xayriyalari hisobidan; Toshkent shahrida respublika budjeti va Toshkent shahar mahalliy budjeti mablag‘lari hisobidan teng ulushlarda qoplanadi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)