Hindistonning G‘oziobod shahri politsiyasi narxi 4 dollar bo‘lgan smartfonlar yetkazib berishni va’da qilgan Ringing Bells kompaniyasi asoschisi Moxit Goelni firibgarlikda gumon qilib, qo‘lga oldi. Bu haqda “RIA Novosti” xabar bermoqda.
Ringing Bells loyihani ishga tushirgan payt — o‘tgan yil fevralida 4 dollar 251 rupiyga to‘g‘ri kelgan, shu sababli smartfon Freedom 251 nomini oldi. Kompaniya qisqa vaqt mobaynida 70 million buyurtma to‘plashga muvaffaq bo‘ldi.
2016-yil 30-iyunda 2,5 million smartfon yetkazib berish va’da qilingandi, biroq iyulga kelib atigi 5 ming dona qurilma yetkazildi, xolos. Shundan so‘ng kompaniya aslida Tayvan ishlab chiqaruvchisining tayyor telefoni bo‘lgan Freedom 251 haqida umuman hisob bermay qo‘ydi. Smartfon sotuvi to‘xtatildi va kompaniya buning o‘rniga qimmat smartfonlar va boshqa texnika oldi-sotdisi bilan shug‘ullandi.
Izoh (0)